+10 °C, +9 °C ... +20 °C Վաղը`+19 °C
Հայաստանը մնում է Ռուսաստանի մոտ դաշնակիցը և հույս ունի հետագայում ևս զարգացնել ինչպես Ռուսաստանի, այնպես էլ արևմտյան երկրների հետ հարաբերությունները: Այս մասին Euronews-ի հետ զրույցում ասել է ՀՀ վարչապետ Նիկոլ Փաշինյանը: «Մենք մնում ենք Ռուսաստանի մոտ դաշնակիցը և հույս ունենք զարգացնել հարաբերություններն ինչպես Ռուսաստանի, այնպես էլ ՆԱՏՕ-ի, արևմտյան երկրների, Եվրոմիության և ԱՄՆ-ի հետ: Մենք չենք պատրաստվում կտրուկ փոխել մեր արտաքին քաղաքականությունը»,- ասել է Նիկոլ Փաշինյանը: «Հայաստանը ՆԱՏՕ-ի գործընկերն է: Մենք մասնակցում ենք ՆԱՏՕ-ի երկու առաքելություններին՝ Կոսովոյում և Աֆղանստանում: Դա հնարավորություն է տալիս մասնակցել միջազգային հարթակում անվտանգության ապահովմանը: Սակայն մենք նաև ՀԱՊԿ անդամ ենք և մեզ տեսնում ենք այդ կազմակերպությունում»,- հստակեցրել է ՀՀ վարչապետը: Ավելի վաղ Նիկոլ Փաշինյանը ելույթ էր ունեցել՝ Աֆղանստանում խաղաղության և կայունության միջազգային ջանքերին նվիրված միջոցառմանը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am