+29 °C, +16 °C ... +29 °C Վաղը`+28 °C
«Եվրոտեսիլ-2019»-ն Իսրայելից կտեղափոխվի մեկ այլ երկիր, եթե մեկ օրվա ընթացքում իշխանությունները 12 մլն եվրո չփոխանցեն Եվրոպական հեռարձակողների միությանը (EBU): Այս մասին հաղորդում է РИА Новости-ն: Ըստ գործակալության, Իսրայելում կայանալիք միջոցառման տապալման մասին հայտնել է «Կան» պետական հեռուստառադիոկորպորացիայի ղեկավարներից Գիլ Օմերը՝ երկրի վարչապետ Բինյամին Նեթանյահուին ուղղված նամակում։ EBU-ի պայմաններով, «Կան» կորպորացիան որպես մրցույթի ֆինանսական երաշխիք պետք է կանխավճար վճարեր: Դրամական փոխանցման ժամկետը լրացել է, սակայն այն երկարացվել է մինչև օգոստոսի 14-ը: Ընկերությունում նշել են, որ իշխանությունները դեռևս պետական բյուջեից մրցույթի համար գումար չեն հատկացրել: Հիշեցնենք՝ Լիսաբոնում կայացած «Եվրոտեսիլ 2018-ի» հաղթող է ճանաչվել Իսրայելի երգչուհի Նետտան՝ Toy երգով: Հաջորդ մրցույթի անցկացման իրավունքը տրվեց Իսրայելին: Նեթանյահուն ասել էր, որ «Եվրոտեսիլ»-ը կանցկացվի Երուսաղեմում, բայց հետագայում ԶԼՄ-ը հայտնել էին, որ միջոցառումը տեղի կունենա Թել Ավիվում՝ որոշ երկրներում այդ որոշման հետ կապված դժգոհությունների պատճառով: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am