+20 °C, +12 °C ... +21 °C Վաղը`+19 °C
ԱՄՆ-ը մերժել է քահանա Էնդրյու Բրանսոնին ազատ արձակելու՝ Անկարայի պայմանները՝ կապված բազմամիլիարդանոց տուգանքի չեղարկման հետ, որը Վաշինգթոնը սահմանել էր թուրքական Halkbank-ի նկատմամբ Իրանի դեմ պատժամիջոցային ռեժիմը խախտելու համար: «Մնացած բոլոր հարցերը կքննարկվեն, երբ Բրանսոնն ազատության մեջ լինի»,- The Wall Street Journal պարբերականը մեջբերում է ԱՄՆ նախագահի վարչակազմի բարձրաստիճան ներկայացուցչի խոսքը: «Մենք չենք վճարի անմեղ մարդու ազատ արձակման համար, սակայն Թուրքիայի հետ շփումները կդադարեցնենք»,- Twitter-ի իր էջում գրել է նախագահ Դոնալդ Թրամփը: Նշենք, որ Վաշինգթոնի և Անկարայի հարաբերությունների սրացումը հանգեցրել է թուրքական լիրայի արժեքի կտրուկ անկմանը: Բրանսոնը, ում 35 տարվա ազատազրկում է սպառնում, ձերբակալվել էր 2 տարի առաջ այն բանի համար, թե, իբր, արտասահմանից միջոցներ է ստացել հակապետական գործունեություն ծավելելու համար: Թուրքիայի դատախազությունը նրան մեղադրում է ԱՄՆ-ում բնակվող իսլամի քարոզիչ Ֆեթուլլահ Գյուլենի հետ կապի համար, ում Թուրքիայում պատասխանատու են համարում 2016թ. ամռանը պետական հեղաշրջման փորձի համար: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am