+21 °C, +9 °C ... +21 °C Վաղը`+21 °C
Սեպտեմբերի 8-ին ամենաբարձր մակարդակով տեղի կունենան ռուս-հայկական բանակցությունները: Մոսկվայում կհանդիպեն նախագահ Վլադիմիր Պուտինը և Հայաստանի վարչապետ Նիկոլ Փաշինյանը: Այս տեղեկությունը «Իզվեստիայի» փոխանցմամբ, հաստատվել է ՌԴ նախագահի մամուլի քարտուղար Դմիտրի Պեսկովի կողմից: ՀՀ վարչապետի առաջիկա այցը Ռուսաստան թվով երրորդն է Հայաստանի իշխանափոխությունից հետո: Առաջին անգամ Ռուսաստանի նախագահ Վլադիմիր Պուտինը և ՀՀ վարչապետ Նիկոլ Փաշինյանը մայիսի 14-ին Սոչիում բանակցություններ են վարել Եվրասիական տնտեսական միության երկրների ղեկավարների գագաթնաժողովում: Հաջորդ հանդիպումը կայացավ հունիսի 13-ին Մոսկվայում, այնուհետև Նիկոլ Փաշինյանը մասնակցեց Աշխարհի գավաթի բացման արարողությանը: Սեպտեմբերի 1-ին Սոչիում տեղի ունեցավ ռուս-ադրբեջանական բանակցություններ: Նախագահներ Վլադիմիր Պուտինը և Իլհամ Ալիևը, մասնավորապես, զրույցի ընթացքում անդրադարձան Լեռնային Ղարաբաղի հակամարտության կարգավորմանը: Նիկոլ Փաշինյանը երկար տարիներ եղել է Հայաստանում ընդդիմության շարժման առաջնորդներից մեկը: 2018 թվականի մայիսի 8-ին Ազգային ժողովի պատգամավորների կողմից ընտրվել է վարչապետ: Ավելի վաղ այդ պաշտոնը զբաղեցնում էր Սերժ Սարգսյանը, ով հրաժարվեց զանգվածային ցույցերից հետո. տեղեկացնում է գործակալությունը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am