Այսօր «Իմ քայլը» դաշինքի նախընտրական ամփոփիչ հավաքում ելույթ ունենալով՝ վարչապետ Նիկոլ Փաշինյանը հայտարարեց, որ Բաղրամյան 26-ի դռները բացելուց հետո պատրաստվում են բացել նաև Ազգային ժողովի դռները։ «Այսօր Բաղրամյան 26-ի դռները բացվեցին ՀՀ քաղաքացիների առջև, և մենք ևս մեկ քայլ ունենք այս քաղաքական խնդիրը վերջնականապես լուծելու՝ մենք պետք է բացենք նաև Ազգային ժողովի դռները ՀՀ քաղաքացիների առաջ: Երբ մենք բացում էինք փակ դռները, մեզ ասում էին՝ ինչու եք դա անում, մենք էլ ասում էինք՝ Հայաստանի Հանրապետությունում Հայաստանի քաղաքացիների առաջ փակ դռներ չեն կարող լինել և Հայաստանի քաղաքացիների առաջ փակ դռներ չեն լինելու»։ |