Համացանցում է հայտնվել Իրանի Ահվազ քաղաքում ռազմական շքերթի ժամանակ տեղի ունեցած ահաբեկչության տեսագրությունը: Վերջին տեղեկությունների համաձայն՝ ահաբեկչության հետևանքով զոհվել է 10 մարդ, վիրավորվել 20-ը:

Իրանցի իրավապահների պատասխան կրակի հետևանքով հարձակում գործած անձինք սպանվել են: Թեհրանում հայտարարել են, որ հանցագործները կապ ունեն Սաուդյան Արաբիայի կողմից աջակցվող ահաբեկչական խմբի հետ:

Իրանական Fars գործակալությունը հայտարարել է, որ շքերթին հետևող քաղաքացիները մտածել են, որ հրաձգությունը շոուի մի մասն է:

«Այն բանից հետո, երբ մի քանի մարդ վնասվածք ստացավ, նրանք հասկացան, որ դա ահաբեկչական հարձակում է»,- ասվում է հաղորդագրության մեջ: