Եվրոմիության երկրների ԱԳՆ ղեկավարները հավանություն են տվել քիմիական զենքի կիրառման համար պատժամիջոցային նոր մեխանիզմին, հաղորդում է ԵՄ Խորհրդի մամուլի ծառայությունը:

«Այժմ ԵՄ-ն հնարավորություն է ստացել պատժամիջոցներ սահմանել այն անձանց և կազմակերպությունների նկատմամբ, որոնք ներգրավված են քիմիական զենքի մշակման և կիրառման գործում՝ անկախ ծագումից, ազգային պատկանելիությունից»,- ասվում է կազմակերպության հաղորդագրության մեջ:

Բացի այդ, նշվում է, որ կազմակերպությունն արգելք կսահմանի ԵՄ տարածք ուղևորությունների համար և կսառեցնի ֆիզիկական և իրավաբանական անձանց բաժնետոմսերը, կարգելվի նաև միջոցների տրամադրումը վերոնշյալ անձանց: