+12 °C, +11 °C ... +20 °C Վաղը`+21 °C
Բելառուսի նախագահ Ալեքսանդր Լուկաշենկոն հայտարարել է, որ Մինսկը պատրաստ է 3 թեկնածուի առաջարկել Հավաքական անվտանգության պայմանագրի կազմակերպության (ՀԱՊԿ) գլխավոր քարտուղարի պաշտոնի համար այն դեպքում, եթե երկիրը ստանա այդ իրավունքը, փոխանցում է РИА Новости-ն: Լուկաշենկոն նշել է, որ այբբենական կարգով Հայաստանից հետո հաջորդ երկիրը Բելառուսն է, որը կարող է թեկնածուի առաջարկել տվյալ պաշտոնին: «Ինչ վերաբերում է ՀԱՊԿ գլխավոր քարտուղարի պաշտոնի հարցին...Բնականաբար, տարբերակները շատ են, սակայն դա չի նշանակում, որ ինչ-որ մեկը հաղթել է, ինչ-որ մեկը՝ պարտվել»,- ասել է Լուկաշենկոն Բելառուսում Ադրբեջանի դեսպանի հետ հանդիպման ժամանակ: «Հարցն այն է, որ Նիկոլ Փաշինյանը պարզապես պետք է իրավիճակը քննի կառավարությունում, քանի որ այդ երկիրն այսօր գլխավորում է ԵԱՏՄ-ն՝ մեր տնտեսական միությունը, և ՀԱՊԿ-ը: Մեծ ծանրաբեռնվածություն է մի երկրի համար, որն անցումային շրջանում է գտնվում: Կկարողանա՞ գլուխ հանել Հայաստանը»,- հավելել է Լուկաշենկոն։ Ավելի վաղ հայտնի էր դարձել, որ ՀԱՊԿ գլխավոր քարտուղարը կընտրվի դեկտեմբերի 6-ին: Տեղեկություններ էին հայտնվել նաև, որ Լուկաշենկոյին նման դիրքորոշման է դրդում Ադրբեջանը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am