«Հատուկ պետական պաշտպանության ենթակա անձանց անվտանգության ապահովման մասին»՝ մի խումբ ՀՀԿ-ականների ներկայացրած նախագծի քվեարկության տապալումից հետո ԱԺ փոխնախագահ Էդուարդ Շարմազանովը հայտարարեց. «Սա անկախ Հայաստանի ամենախայտառակ քվեարկությունն է: Հայ ժողովրդի առաջ պետք է պատասխան տան այն ուժերը, որոնք սնում են աղանդավորության, գոմիկների քարոզ ու երկրորդական դարձնում եկեղեցու պաշտպանությունը: Հաջողություն ձեզ»: ԱԺ փոխխոսնակը զայրացած լքեց նիստերի դահլիճը:

«Մենք բոլորս էլ հավատավոր ենք հայ առաքելական եկեղեցուն, ոչ թե ձևական»,- ասաց Սասուն Միքայելյանը:

Տեղեկացնենք, որ նախագիծը վերաբերում էր կաթողիկոսի անվտանգությունն օրենքով ապահովելուն, ինչը կառավարության կողմից բացասական եզրակացության էր արժանացել: «Ելք» խմբակցության ղեկավար Լենա Նազարյանն այսօր ևս մեկ անգամ հայտարարել էր, որ եթե կաթողիկոսի անվտանգությունը պաշտպանության կարիք ունենա, կառավարությունը հատուկ միջոցներ կձեռնարկի. օրենքով արձանագրելու կարիք չկա: