+11 °C, +11 °C ... +28 °C Վաղը`+28 °C
«Սպառազինությունների մրցավազքը մեր տարածաշրջանում չափազանց վտանգավոր է», այս մասին ТАСС պարբերականին տված հարցազրույցում ասել է ՀՀ արտաքին գործերի նախարարի պաշտոնակատար Զոհրաբ Մնացականյանը: Պարբերականի լրագրողը հիշեցրել է ԱՄՆ նախագահի ազգային անվտանգության հարցերով խորհրդական Ջոն Բոլթոնի հայաստանյան այցի մասին և հետաքրքրվել՝ արդյոք Հայաստանը մտադիր է ամերիկյան զենք գնել: «Որևէ առաջարկ Հայաստանը չի ստացել: Բացի այդ, մեր երկիրը գտնվում է չափազանց զգայուն տարածաշրջանում, որտեղ կա չլուծված հակամարտություն: Նման պայմաններում չափազանց վտանգավոր է սպառազինությունների մրցավազքը: Եվ երբ մեր դժգոհությունն ենք հայտնում՝ կապված Ադրբեջանին զենքի վաճառքի հետ, նշում ենք, որ դրան չենք կարող վերաբերվել որպես գործնական հարաբերության, այլ զենքի, որը խլում է մեր հայրենակիցների, մեր զինվորների, քաղաքացիական բնակչության կյանքերը»,- ի պատասխան՝ ասել է Զ. Մնացականյանը: ՀՀ արտաքին գործերի նախարարի պաշտոնակատարը նշել է, որ որևէ մեկը չի կարող կասկածի տակ դնել Հայաստանի մարտունակությունն ու որպես հայ ժողովրդի անվտանգության երաշխավոր՝ վճռականությունը: «Միևնույն ժամանակ, ընդգծում ենք Հայաստանի հակվածությունը՝ Լեռնային Ղարաբաղի խնդրի բացառապես խաղաղ կարգավորմանը»,- հավելել է Զ. Մնացականյանը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am