«Մեր բոլոր միջազգային գործընկերները պետք է արձանագրեն մի բան. Հայաստանի հետ այնպիսի հարաբերություններ, ինչպիսին իրենք սովոր են տեսնել, այլևս չեն լինելու»,- այս մասին այսօր Գեղարքունիքի մարզպետարանում հանդիպման ժամանակ ասել է ՀՀ վարչապետի պաշտոնակատար Նիկոլ Փաշինյանը:

Նիկոլ Փաշինյանի խոսքով՝ շատերը իներցիայով փորձ են անում մեզ վերաբերվել որպես փոքր երկրի: «Պարզ ասում եմ՝ չի լինի այդպես: Մենք փոքր ժողովուրդ չենք, մենք մեծ ժողովուրդ ենք: Մենք հազարամյա պատմություն, մշակույթ ունեցող ժողովուրդ ենք, գեներալների ժողովուրդ ենք: Մենք արել ենք մի բան, որ մարդկության պատմության մեջ նախադեպը չունի»,- ասել է ՀՀ վարչապետի պաշտոնակատարը՝ հավելելով, որ այդ հարաբերություններում Հայաստանն ի վիճակ է պահպանել և պաշտպանել իր շահերը: