Ֆրանսիայում բենզինի գնի բարձրացման դեմ զանգվածային անկարգություններ կազմակերպած «դեղին բաճկոնավորներին» են միացել դպրոցականները: Նրանք մոտ 100 դպրոց են արգելափակել երկրի ողջ տարածքով, ինչը ոստիկանների հետ բախման է հանգեցրել, գրում է РИА Новости-ն՝ հղում անելով France Info-ին: Օվերն Ռոն Ալպ շրջանում դպրոցականները ոստիկանության ուղղությամբ տարբեր իրեր են նետել, ի պատասխան՝ ուժայիններն արցունքաբեր գազ են կիրառել: Ֆրանշ Կոնտեում դպրոցականներն արգելափակել են իրենց քոլեջը: Արդյունքում ուսումնական հաստատությունը մեկ օրով փակվել է: Ցույցերը հասել են նաև Կորսիկա, որտեղ դպրոցականները փայտե վրաններ են դրել ուսումնական հաստատության առջև: Բացի այդ, Փարիզի արվարձաններից մեկում դպրոցականներն ուսումնական հաստատության առջև մեքենա և աղբարկղեր են այրել: |