Փարիզի ոստիկանությունը հայտնել է այսօր «դեղին բաճկոնավորների» զանգվածային ցույցի շրջանակում 575 ձերբակալվածի մասին, հաղորդում է The local-ը: Նշվում է, որ Ելիսեյան պալատի շրջակայքում «դեղին բաճկոնավորների» և ոստիկանության միջև լարվածություն և բախումներ են առաջացել: Ֆրանսիայի ՆԳՆ-ի տեղեկություններով՝ երկրի մի շարք քաղաքներում փողոց է դուրս եկել ավելի քան 31,000 մարդ, Փարիզում՝ 8000-ը: Համացանցում հայտնված կադրերից երևում է, որ տեղի ոստիկանությունը ցուցարարների դեմ արցունքաբեր գազ է կիրառել:
|