Հայաստանը կմասնակցի Բաքվում կայանալիք Սևծովյան տնտեսական համագործակցության արտաքին գործերի նախարարների խորհրդի նիստին։ Այս մասին «Արմենպրես»-ին ասել է ՀՀ ԱԳՆ մամուլի քարտուղար Աննա Նաղդալյանը։ «Նիստում Հայաստանը կներկայացնի ԱԳՆ Բազմակողմ և երկկողմ տնտեսական համագործակցության վարչության պետ Աշոտ Քոչարյանը»,- ասել է Աննա Նաղդալյանը: Սևծովյան տնտեսական համագործակցության կազմակերպության (ՍԾՏՀ) անդամ երկրների արտգործնախարարների խորհրդի նիստը կայանալու է դեկտեմբերի 14-ին: |