Հունգարիայի մայրաքաղաք Բուդապեշտում երեկ երեկոյան բողոքի մեծ ալիք է բարձրացել: Ցուցարարները պահանջել են նոր փոփոխություններ աշխատանքային օրենսգրքում, փոխանցում է Daily News Hungary-ն: Ցուցարարների խոսքով՝ «ստրկական օրենքը» նախատեսում է աշխատանքի տարեկան ավելացում՝ 250-ից 400 ժամ: Ոստիկանների և ցուցարարների միջև բախումներ են տեղի ունեցել, ցուցարարները շշեր ու այլ իրեր են նետել ոստիկանների ուղղությամբ: Ի պատասխան՝ ոստիկաններն արցունքաբեր գազ են կիրառել: Ցուցարարների ձեռքին եղել են Հունգարիայի և Եվրոմիության, ինչպես նաև ընդդիմադիր կուսակցությունների դրոշներ:
|