Դեկտեմբերի 7-ից 10-ը Ռուսաստանի Սոչի քաղաքում տեղի է ունեցել մուայ թայի միջազգային մրցաշար, որին Հայաստանը ներկայացրել է 10 մարզիկ։ 400 մասնակիցների թվում մեր պատվիրակությունը 6 մեդալ է նվաճել։

Մեծահասկաների պայքարում ոսկե մեդալներ է նվաճել արցախցի 71 կգ քաշային Արման Գալստյանը, իսկ 81 կգ քաշային արցախցի Դավիթ Հայրապետյանը դարձել է բրոնզե մեդալակիր։ 16-17 տարեկանների պայքարում 3-րդ տեղն է գրավել էջմիածինցի 54 կգ քաշային Միասնիկ Սաֆարյանը։ 14-15 տարեկանների պայքարում արցախցի 54 կգ քաշային Լևոն Գրիգորյանն զբաղեցրել է 1-ին տեղը։ 12-13 տարեկանների պայքարում էջմիածինցի 32 կգ քաշային Մնացական Վարդանյանը և երևանցի 34 կգ քաշային Գոռ Դանիելյանը նվաճել են ոսկե մեդալներ։