+14 °C, +14 °C ... +21 °C Վաղը`+21 °C
Երեկ Վրաստանում կայացել է նորընտիր նախագահ Սալոմե Զուրաբիշվիլիի երդմնակալության արարողությունը: Միջոցառումը տեղի է ունեցել Թելավի քաղաքում գտնվող Քարթլի-Կախեթի արքայական պալատի տարածքում, փոխանցում է BBC-ի ռուսական ծառայությունը: Ընդդիմության բողոքի ակցիան տապալվել է, քանի որ բոլոր գլխավոր ճանապարհները փակ են եղել: Բողոքի ակցիան տեղափոխվել է Թբիլիսիի կենտրոն, որտեղ ընդդիմության աջակիցներն արդեն վրաններ են տեղադրել: Զուրաբիշվիլին դարձել է երկրի 5-րդ և վերջին նախագահը, ով ընտրվել է ուղիղ քվեարկության միջոցով: Երդմնակալության արարողությունը ևս աննախադեպ է եղել, քանի որ տեղի է ունեցել ոչ թե մայրաքաղաքում, այլ երկրի մեկ այլ քաղաքում: «Շնորհակալ եմ նրանց, ովքեր քվեարկել են, շնորհակալ եմ «Վրացական երազանքին»՝ ինձ աջակցելու և այդպիսով ժողովրդավարական քայլ անելու համար: Հարգում եմ նրանց, ովքեր չեն քվեարկել իմ օգտին»,- իր խոսքում ասել է Զուրաբիշվիլին: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am