Բրազիլիայի իշխանությունները հայտարարել են, որ երկրի հյուսիսային Ֆորտալեզա քաղաք մոտ 300 զինծառայող կուղարկվի, ովքեր կպայքարեն աճող հանցավոր բռնության դեմ, հաղորդում է Al Jazeera-ն: Զինծառայողները կհսկեն քաղաքն ու ողջ Սեարա նահանգը, որպեսզի կանխեն խանութների, բանկերի և ավտոբուսների վրա հարձակումները: Երկրի արդարադատության նախարարությունը կոչ է արել հատուկ գործողություններ իրականացնել՝ այս շաբաթ գրանցված տասնյակ հարձակումներից հետո: Այդ հարձակումները, տեղի լրատվամիջոցների խոսքով, ուղղված են բանտերում նոր կոշտ միջոցների դեմ: Երկրի իշխանությունները որոշել են զորք մտցնել նախագահ Ժայիր Բոլսոնարուի երդմնակալության արարողությունից մի քանի օր անց, ով ընտրվել էր այդ պաշտոնին՝ երկրում հանցավորության դեմ պայքարի խոստումով: |