+15 °C, +15 °C ... +28 °C Վաղը`+28 °C
Համաշխարհային բանկը (ՀԲ) կառուցվածքային բարեփոխումների դանդաղում է կանխատեսել Հայաստանում, Ադրբեջանում, Բելառուսում, Թուրքիայում և Ուկրաինայում: Այս մասին ասվում է ՀԲ-ի՝ «Համաշխարհային տնտեսության հեռանկարները» հունվարյան զեկույցում, փոխանցում է ТАСС-ը: Զեկույցում ասվում է, որ Սիրիայի կամ Ուկրաինայի շուրջ լարվածության աճը կնպաստի նոր պատժամիջոցների սահմանմանն ու տարածաշրջանի նկատմամբ անվստահությանը: Մասնագետների կարծիքով՝ իրավիճակի վատթարացումը ռիսկերն ավելի նշանակալի են դարձնում: «Հայաստանում, Ադրբեջանում, Բելառուսում, Թուրքիայում և Ուկրաինայում կառուցվածքային բարեփոխումների դանդաղումը կամ չեղարկումը քաղաքական անորոշության աճ կառաջացնեն, իսկ Սիրիայի կամ Ուկրաինայի շուրջ լարվածության ուժեղացումն ունակ է նոր պատժամիջոցների և տարածաշրջանի նկատմամբ վստահության կորստի հանգեցնել»,- ասվում է զեկույցում: Բացի այդ, ՀԲ-ն բարելավել է 2019թ. Հայաստանի տնտեսական աճի կանխատեսումը: ՀԲ-ի գնահատմամբ՝ իրական ՀՆԱ-ի աճը 2019թ. կկազմի 4,3% և 4,6%՝ 2020-21թթ.: 2018թ. աճը գնահատվել է 5,3%: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am