Ռուսաստանի Ռոստովի մարզի Շախտի քաղաքում բնակելի շենքերից մեկում տեղի ունեցած գազի պայթյունի հետևանքով մեկ մարդ է զոհվել, հաղորդում է Gazeta-ն:

ԱԻՆ տարածքային ծառայության հաղորդմամբ՝ զոհերի թիվը կարող է աճել, դեպքի վայրում այժմ աշխատում են արտակարգ իրավիճակների ծառայության մասնագետները:
Նշվում է, որ զոհի մարմինը հայտնաբերվել է 9-րդ հարկում, փլատակներից տակ մարդիկ են մնում:

Ավելի վաղ հայտնի է դարձել, որ բազմահարկ շենքից 140 մարդ տարհանվել է, նրանց տեղափոխել են անվտանգ վայր: