Պաշտոնական Անկարան արձագանքել է ԱՄՆ նախագահ Դոնալդ Թրամփի սպառնալիքներին, հաղորդում է Reuters-ը: «Պարո՛ն Դոնալդ Թրամփ, ահաբեկիչները չեն կարող ԱՄՆ-ի գործընկերը կամ դաշնակիցը լինել: Թուրքիան ակնկալում է, որ ԱՄՆ-ն կկատարի երկու երկրների միջև ռազմավարական գործընկերության մասին համաձայնագրերից բխող իր պարտավորությունները: Ահաբեկչության քարոզումը չպետք է վնաս հասցնի թուրք-ամերիկյան հարաբերություններին»,- Twitter-ի իր էջում գրել է Թուրքիայի նախագահի մամուլի քարուղար Իբրահիմ Քալընը: Ավելի վաղ ԱՄՆ նախագահ Դոնալդ Թրամփը սպառնացել էր կործանել Թուրքիայի տնտեսությունը, եթե վերջինը որոշի հարձակում գործել Սիրիայի քրդերի վրա: |