Մեծ Բրիտանիայի Համայնքների պալատն այսօր որոշում կկայացնի, որը քաղաքական մեծ փոթորիկ կբարձրացնի, գրում է BBC-ն: Երկրի խորհրդարանը պետք է որոշի՝ մնա Եվրոմիության կազմում, թե՝ ոչ: Գործակալության փոխանցմամբ՝ տարբերակներից ցանկացածը մեծ ազդեցություն կունենա ինչպես երկրի տնտեսության և քաղաքականության վրա, այնպես էլ ողջ Եվրոպայի համար: Ընդ որում, հնարավոր տարբերակներից ոչ մեկը տվյալ պահին չի հավաքում խորհրդարանական մեծամասնությունը: Այս պահի դրությամբ հայտնի է, որ Մեծ Բրիտանիան պաշտոնապես պետք է դուրս կգա ԵՄ-ի կազմից մարտի 29-ին: Ըստ բրիտանացի փորձագետների, եթե այսօր քվեարկությունը ձախողվի, ապա երկրի վարչապետ Թերեզա Մեյն ինքնակամ հրաժարական կներկայացնի, և արտահերթ խորհրդարանական ընտրություններ կհայտարարվեն: Իսկ եթե դա տեղի չունենա, ապա ընդդիմությունը խոստանում է անվստահության քվե ներկայացնել կառավարությանը: |