Բասկետբոլի Ա լիգայի 2018/19 թթ. մրցաշրջանի 12-րդ տուրի շրջանակներում երեկ պետք է Երևանում կայանար ՖԻՄԱ - «Արթիկ» հանդիպումը։ Ձյան առատ տեղումների պատճառով «Արթիկ»-ը չի կարողացել ժամանել Երևան և, մրցակարգի համաձայն, պարտություն գրանցվեց՝ 0։20 հաշվով:

Մրցաշարային աղյուսակը 22 միավորով գլխավորում է «Արագած» ակումբը, երկրորդ հորիզոնականում է «Ուրարտու»-ն՝ 21 միավորով: ՖԻՄԱ, «Արթիկ» և «Արցախ» թիմերն ունեն 18-ական միավոր, իսկ վերջին՝ վեցերորդ տեղը 16 միավորով զբաղեցնում է «Էրեբունի»-ն: