Չեխիայի ազգային հավաքականի և Լոնդոնի «Արսենալ»-ի դարպասապահ Պետր Չեխը հայտարարել է մարզական կարիերան ավարտելու մասին։

«Սա իմ 20-րդ մրցաշրջանն է՝ որպես պրոֆեսիոնալ ֆուտբոլիստ։ 20 տարի է անցել իմ առաջին պաշտոնական պայմանագիրը կնքելուց։ Կարծում եմ՝ ճիշտ ժամանակն է հայտարարել մրցաշրջանի ավարտից հետո կարիերաս ավարտելու որոշմանս մասին։ Պրեմիեր լիգայում խաղալուց և հնարավոր ամեն տիտղոս նվաճելուց հետո հասկացա, որ հասել եմ այն նպատակներին, որոնք դրել էի իմ առջև։ Կշարունակեմ աշխատել «Արսենալ»-ում՝ այս մրցաշրջանում ևս մեկ տիտղոս նվաճելու համար, իսկ հետո անհամբերությամբ կսպասեմ, թե ինչ է պատրաստել կյանքն ինձ համար՝ խաղադաշտից դուրս»,- նշել է նա։