Վենեսուելայի գործող նախագահ Նիկոլաս Մադուրոյին հավատարիմ ազգային հիմնադիր ժողովը, ընդդիմության առաջնորդ, իրեն երկրի ժամանակավոր նախագահ հռչակած Խուան Գուաիդոյին զրկել է պատգամավորական անձեռնմխելիությունից, փոխանցում է Reuters-ը: Այդ որոշումը թույլ է տալիս քրեական հետապնդում սկսել նրա նկատմամբ, հայտարարել է նախագահողը: Իրավաբան Խոսե Արոն այդ որոշումը «սահմանադրական խարդախություն» է անվանել, քանի որ ժողովը որոշումը կայացրել է առանց խորհրդարանի հաստատման: |