+14 °C, +14 °C ... +20 °C Վաղը`+23 °C
Կիրակի Ռուսաստանում մահացել է 76-ամյա Միրյանա Մարկովիչը՝ Սերբիայի նախկին նախագահ Սլոբոդան Միլոշևիչի կինը: Պատերազմական հանցագործություններում ներգրավված առաջին տիկինն իր ամուր կամքի շնորհիվ ստացել էր «Լեդի Մակբեթ» անունը, գրում է The New York Times-ը: «Լեդի Մակբեթը» մահացել էր թոքաբորբից: Նա իր բուժումն ստանում էր Սոչիի ափամերձ առողջարանում: Հիշեցնենք, որ Միլոշևիչն առաջին նախագահն էր, որ պաշտոնավարման ընթացքում միջազգային դատարանում մեղադրվել է մարդկության դեմ կատարված հանցագործությունների համար: Նա մահացել էր 2006թ.՝ Հաագայում իր դատավարության եզրակացությանը սպասելիս: Բելգրադի համալսարանի սոցիոլոգիայի պրոֆեսոր, նեոկոմունիստական կուսակցության առաջնորդ Միրյանա Մարկովիչը կասկածվում էր Բելգրադում թերթի խմբագիր Սլավկո Կուրուվիայի 1999թ. սպանության և Միլոշևիչի կարճաժամկետ խորհրդական Իվան Ստամբոլիչի 2000թ. անհետացման մեջ: 2003թ., Սերբիայում իր նկատմամբ առաջադրված կոռուպցիոն մեղադրանքների հետևանքով, նա իր որդու՝ Մարկոյի հետ փախուստի էր դիմել և Ռուսաստանից քաղաքական ապաստան ստացել: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am