ԱԺ նախագահ Արարատ Միրզոյանը, մեկնաբանելով ՊՎԾ պետ Դավիթ Սանասարյանին (լիազորությունները կասեցվել են) առաջադրված մեղադրանքը, լրագրողների հետ զրույցի ժամանակ նշել է․ «Ես ձեռնպահ կմնայի որևէ մեկնաբանությունից՝ հաշվի առնելով, որ քննություն է ընթանում... Ցանկացած պարագայում հեղափոխության վարկանիշը միայն կբարձրանա»։ Լրագրողների այն հարցին, թե վերջինս հավանական համարո՞ւմ է այն հանգամանքը, որ Դավիթ Սանասարյանը կարող է մեղավոր լինել հարուցված քրեական գործում, ԱԺ նախագահն ասել է․ «Առաջինը՝ Դավիթ Սանասարյանն իմ ընկերն է, երկրորդ՝ նոր Հայաստանում որևէ մեկի ընկեր, խնամի, ծանոթ լինել-չլինելը որևէ ազդեցություն չի կարող ունենալ քննության կամ վճռի վրա»։ Մեկնաբանելով Դավիթ Սանասարյանի այն պնդումը, որ հարուցված քրեական գործը շինծու է, նշել է․ «Դավիթ Սանասարյանի իրավունքն է պնդել և, ի վերջո, այդ մարդը պաշտպանության իրավունք ունի»։