Ալբանիայում շարունակվում են բողոքի ակցիաները: Ցուցարարները կառավարության շենքի ուղղությամբ գազային ռումբեր են նետել, ինչին ի պատասխան ոստիկանությունն արցունքաբեր գազ է կիրառել: Այս մասին գրում է Euronews-ը: Հավաքվածները վարչապետ Էդի Ռամային մեղադրում են ընտրակեղծիքի և կոռուպցիայի մեջ: Նրանց պահանջների շարքում են նաև գործող խորհրդարանի լուծարումը և արտահերթ խորհրդարանական ընտրությունների անցկացումը: Ընդդիմության ղեկավար Լուլզիմ Բաշան իր աջակիցներին կոչ է արել չդադարեցնել ակցիաները մինչև Ռամայի իշխանությունից հեռանալը: «Մենք այստեղ ենք Ալբանիան ոճրագործությունից ու կոռուպցիայից ազատելու առաքելությամբ, որպեսզի Ալբանիան դարձնենք Եվրոպայի մյուս երկրների նման»,- ասել է Բաշան՝ ցուցարարներին: ԵՄ-ն և ԱՄՆ-ն օրինական են ճանաչել Ալբանիայում գործող կառավարության իշխանությունը, և ընդդիմությանը կոչ են արել վերադառնալ խորհրդարան ու մասնակցել հունիսի 30-ին կայանալիք տեղական ընտրություններին Ռաման գտնում է, որ ընդդիմությունը, իր հրաժարականը պահանջելով, «կույր» քաղաքականություն է վարում: |