Mamul.am
Ամբողջական տարբերակ
USD 476.74, EUR 535.47, RUB 7.60, GBP 593.49
+29 °C, +19 °C ... +34 °C Վաղը`+35 °C
Hay / Հայ | Рус | Eng | Tür
Սարդ մարդու շորերով երեխան ցած է նետվել 8-րդ հարկից ու ողջ մնացել
21:10, 14.05.2019

Թբիլիսիում 4 տարեկան երեխան ողջ է մնացել 8-րդ հարկից ընկնելուց հետո: Այս մասին հայտնում են վրացական ԶԼՄ-ները: Ըստ տեղեկությունների՝ նրա վիճակը գնահատվում է բավարար, նա ստացել է բազմաթիվ տրավմաներ ու սալջարդեր: Նրա կյանքին ոչինչ չի սպառնում:

Դեպքը տեղի է ունեցել Թբիլիսիի Գլդանի շրջանում: Երեխան, ով հագած է եղել Սարդ մարդու համազգեստ, ընկել է բազմահարկի պատուհանից: Ենթադրվում է, որ տղան ինքն է ցած նետվել՝ փորձելով կրկնել սիրված հերոսի հնարքները:

Երեխան տատիկի տանն է եղել, ով կարծել է, թե թոռնիկը խաղում է սենյակում և տեղի ունեցածի մասին իմացել է հարևաններից:

Հաղորդվում է, որ երեխայի կյանքը փրկել է շենքի տակ խաղողի վազով կառուցված ծածկը:

Տեղեկացրե՛ք Ձեր մտերիմներին
| |
դեպի վեր