Այսօր Ռոբերտ Քոչարյանի պաշտպան Հայկ Ալումյանը հայտարարել է, որ Արցախի գործող և նախկին նախագահները գալու են դատարան, սակայն պարզ չէ՝ երբ: «Դատավարության ցանկացած փուլում խափանման միջոցի հարցը կարող է քննարկվել կողմերից յուրաքանչյուրի նախաձեռնությամբ: Ես չեմ կարող ասել՝ նրանք կգա՞ն մինչև այս քննության ավարտը, թե՞ չէ»,- լրագրողների հետ զրույցի ժամանակ ասել է Ալումյանը: Սակայն դատավոր Դավիթ Գրիգորյանը, նիստի ժամանակ ասել էր, որ այն անձը, ով երաշխավոր լինելու ակնկալիքով դիմել է դատարանին, պետք է ներկայանա դատարան՝ իր կամարտահայտությունը վերահաստատելու: Հավելենք նաև, որ պաշտպանները խոստացել էին մինչև այսօրվա դատական նիստի ավարտը ճշտել, թե երբ կարող են նախագահները ներկայանալ դատարան: |