Mamul.am
Ամբողջական տարբերակ
USD 480.03, EUR 537.15, RUB 7.44, GBP 609.35
+17 °C, +11 °C ... +25 °C Վաղը`+24 °C
Hay / Հայ | Рус | Eng | Tür
Աֆրիկյան ցեղի թագավորը Կանադայում այգեպան է աշխատում
01:35, 16.05.2019

Արևմտաաֆրիկյան ական ցեղախմբի թագավորն արտագնա աշխատանքի է մեկնել Կանադա և աշխատում է որպես այգեպան ու լանդշաֆտային դիզայներ: Էրիկ Մանուն թագավոր է դարձել, երբ մահացել է նրա հորեղբարը: Մինչ թագադրվելը նա որդու և կնոջ հետ 3 տարի ապրել ու աշխատել է Կանադայում, ապա մեկնել Գանա՝ թագավոր օծվելու:

Իր թագավոր լինելու փաստին նա շատ լուրջ ու պատասխանատու ձևով է մոտենում: «Դա շատ մեծ պատասխանատվություն է, այն պետք է ամբողջ հոգով ընդունել: Դա մի մասն է իմ ժառանգության, իմ մշակույթի, ավանդույթների»,- ասել է նա:

Սակայն հիմա ականի առաջնորդն, ով ապրում է Ադանսի Աբոաբա № 2 գյուղում, ստիպված է եղել վերադառնալ բարեկեցիկ երկիր ու շարունակել իր նախկին աշխատանքը, որպեսզի գումար հավաքի 6000 հպատակների համար: Իր աշխատած ողջ գումարով նա մտադիր է բժշկական սարքավորումներ ու պարագաներ գնել ամեն հարմարություններից զուրկ ցեղակիցների համար:

Բացի այդ, նրա գործատուն՝ Սյուզան Ուոթսոնը, ֆոնդ է բացել, որի միջոցով հավաքված գումարով ձեռք կբերվեն գրենական պիտույքներ, հագուստ, նոութբուքեր, դեղամիջոցներ:

Ական ցեղախումբն ապրում է ծայրահեղ աղքատության մեջ, զուրկ բժշկությունից, դեղամիջոցներից, նորմալ սննդից, հագուստից, ապրելու պայմաններից:

Տեղեկացրե՛ք Ձեր մտերիմներին
| |
դեպի վեր