Ռոբերտ Քոչարյանի աջակիցների և նրա դեմ պայքարող ցուցարարների միջև միմյանց չվիրավորելու, չհայհոյելու պայմանավորվածություն ձեռք բերվեց. «Ես առաջարկ ունեմ՝ անկախ նրանից, թե Ռոբերտ Քոչարյանի մասին որ կողմն ի՞նչ կարծիք ունի, մենք բոլորս հայ ենք, և եկեք պահենք հայերի միջև կոռեկտությունը»,- մոտենալով Քոչարյանի աջակիցներին, ասաց քաղաքացիական ակտիվիստ Ջիվան Աբրահամյանը: Քոչարյանի կողմնակիցները խոստովանեցին, որ իրենց հունից հանում են հատկապես Ռոբերտ Քորչարյանի հասցեին հնչող՝ «մարդասպան, հանցագործ» վանկարկումները. «Նա ով է, ինչ է՝ թողեք թող որոշի դատարանը, դուք մարդուն մի պիտակավորեք»,- ասացին նրանք: Ջիվան Աբրահամյանն էլ պատասխանեց, որ մարդիկ իրենց կարծիքն են հայտնում երևույթի հանդեպ, սակայն խոստացավ՝ ցանկացած դեպքում վիրավորանքներ չհասցնել: Ոստիկանները միջամտելով երկխոսությանը՝ առաջարկեցին բոլոր քայլերը կատարել օրենքի սահմաններում: Այս պահին իրավիճակը հանդարտ է: Ոստիկանները հսկում են տարածքը: Հիշեցնենք, որ Երևանի ընդհանուր իրավասության դատարանի Ավան և Նոր Նորք նստավայրի բակում այսօր շարունակվում է Քոչարյանին դեմ և կողմ ակցիաները: |