Mamul.am
Ամբողջական տարբերակ
USD 477.51, EUR 533.90, RUB 7.66, GBP 640.53
+1 °C, +1 °C ... +6 °C Վաղը`+7 °C
Hay / Հայ | Рус | Eng | Tür
Կասիլյասի կնոջ մոտ քաղցկեղ է հայտնաբերվել
13:35, 22.05.2019

Մայիսի 1-ին սրտի կաթված ստացած «Պորտու»-ի դարպասապահ Իկեր Կասիլյասի կինը՝ մարզական լրագրող Սառա Կարբոնյերոն հայտարարել է, որ իր մոտ քաղցկեղ է հայտնաբերվել։

«Մենք դեռ ուշքի չէինք եկել նախորդ վախից, երբ կյանքը մեզ կրկին զարմացրեց։ Մի քանի օր առաջ բժշկական հետազոտության ժամանակ ինձ մոտ չարորակ քաղցկեղ հայտնաբերեցին, և ես ենթարկվեցի վիրահատության։ Բարեբախտաբար, ամեն ինչ լավ ընթացավ։ Մենք ժամանակին ենք արձագանքել հիվանդությանը։

Ես հանգիստ եմ և համոզված, որ ամեն ինչ լավ է լինելու։ Գիտեմ՝ պայքարի ճանապարհը երկար է լինելու, սակայն այն ուրախ վերջաբան է ունենալու։ Ընտանիքս ու ընկերներս, ինչպես նաև հիանալի բժիշկներն աջակցում են ինձ։

Խնդրում եմ իմ գործընկեր լրագրողներին հարգանք և ըմբռնում ցուցաբերել ինձ և ընտանիքիս համար այս բարդ շրջանում»,- գրել է նա՝ ինստագրամյան իր էջում։

Տեղեկացրե՛ք Ձեր մտերիմներին
| |
դեպի վեր