Ներկայումս Ուկրաինան չի կարող դադարեցնել տնտեսական հարաբերությունները Ռուսաստանի հետ: Այդ մասին ասել է նախագահ Վլադիմիր Զելենսկու կառավարության ներկայացուցիչ Անդրեյ Գերուսը՝ NewsOne-ի եթերում: Պատասխանելով այն հարցին, թե արդյոք հնարավո՞ր է դադարեցնել երկու երկրների միջև ընթացող առևտուրը՝ Գերուսն ընդգծել է, որ Կիևը, առաջին հերթին, պետք է մտածի «ինքն իրեն ոտքով չտրորելու մասին»: Նրա խոսքերով, Ուկրաինան արտահանման եկամուտներ է ստանում Ռուսաստան կատարած մատակարարումներից: Ըստ նրա, նույնիսկ եթե նավթամթերքն անմիջապես առաքվի Բելառուսի, Բալթյան երկրների կամ Լեհաստանի միջոցով, այնուհանդերձ, պատրաստվելու է ռուսական նավթից: «Մենք ապրում ենք գլոբալ աշխարհում և միաժամանակ տնտեսական հարաբերությունների դադարեցումն անիրատեսական է ու անհնար»,- եզրափակել է Գերուսը: |