Huawei-ն ԱՄՆ-ի դեմ դատական հայց է ներկայացրել՝ իրեն սև ցուցակից հեռացնելու և սարքավորումները գնելու դեպքում կիրառվող արգելքը վերացնելու պահանջով. այս մասին հաղորդում է BBC-ն:

Չինական սմարթֆոններ արտադրող ընկերության ղեկավարությունը հայտարարել է, որ արգելքը «հասարակական իրավունքների ոտնահարում է» և դրա նպատակը «Huawei-ին ամերիկյան շուկայից դուրս մղելն է»: Ընկերությունն ընդգծել է, որ նման գործողություններն արգելված են ԱՄՆ սահմանադրությամբ:

Հիշեցնենք, որ ԱՄՆ նախագահ Դոնալդ Թրամփը Huawei-ն ընդգրկել է այն կազմակերպությունների ցանկում, որոնց հետ համագործակցելն արգելվում է ամերիկյան ընկերություններին: