+14 °C, +14 °C ... +17 °C Վաղը`+20 °C
Բրիտանացի դեռահաս Քակփեր Քրաուզեն 3 շաբաթ տևած թմբիրից դուրս է եկել իր սիրելի դեզոդորանտի շնորհիվ: Այս մասին հայտնում է Daily Mail-ը: Այս տարվա փետրվարի 13-ին տղան ընկերների հետ նավարկության ժամանակ ընկել է տախտակամածից ու 25 րոպե մնացել ջրի տակ, քանի որ լողալ չի իմացել: Նրան ուղղաթիռով հասցրել են վերակենդանացման բաժանմունք, որտեղ նա թմբիրի մեջ անց է կացրել 3 շաբաթ: Բժիշկները մտավախություն են ունեցել, որ նրա ուղեղում անդառնալի փոփոխություններ են տեղի ունեցել թթվածնի երկարատև պակասի պատճառով: Սակայն ամեն ինչ փոխվել է, երբ նրան խնամող բուժքույրը մորը խնդրել է բերել տղայի լոգանքի պարագաները: Երբ կինը դեզոդորանտը փչել է տղայի մահճակալի մոտ, նա նույն րոպեին բացել է աչքերը:  Սիրած դեզոդորանտը տղային հանել է 3-շաբաթյա թմբիրից Այժմ 13-ամյա տղան գրեթե ամբողջովին վերականգնվել է, մնացել են միայն խոսքային ու աջ ձեռքի հետ կապված ժամանակավոր թեթևակի խնդիրներ: Տղան ասում է, որ այդ դեզոդորանտը կդառնա իր թալիսմանը:  Սիրած դեզոդորանտը տղային հանել է 3-շաբաթյա թմբիրից Նշենք, որ թմբիրից դուրս բերելու համար բժիշկները հարազատներին խորհուրդ են տալիս ակտիվացնել հիվանդի տարբեր զգայարաններ: Քրաուզեի դեպքում օգտակար է եղել հոտային զգայարանի ստիմուլյացիան: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am