Mamul.am
Ամբողջական տարբերակ
USD 476.18, EUR 528.61, RUB 7.41, GBP 592.94
+14 °C, +15 °C ... +27 °C Վաղը`+28 °C
Hay / Հայ | Рус | Eng | Tür
«Տրանսպորտային ծառայություններ մատուցելու համար ևս պետք է դրամարկղային կտրոններ տրվեն». Արման Մելիքյան
17:20, 12.06.2019

Արցախի նախկին արտգործնախարար Արման Մելիքյանը ֆեյսբուքյան իր էջում գրել է. «Երևանի քաղաքային տրանսպորտի տեխնիկական վիճակի, վարորդների մեծամասնության արտաքին տեսքի, հագուկապի, ղեկին ծխելու և ուղևորների սպասարկման ցածր որակի մասին խոսակցությունները տեղին են ու հիմնավոր: Սա, իհարկե, առաջին հերթին, ոլորտի կառավարման համար պատասխանատու անձանց և նրանց նկատմամբ վերահսկողություն իրականացնող մարմինների «աշխատանքի» արդյունքն է: Հետևողական ու համակարգված մոտեցումների կիրառման դեպքում չի կարող վարորդը գործատուին պարտադրել, օրինակ, որ մեքենայի սրահում հսկիչ տեսախցիկ չտեղադրվի, կամ էլ բոլորի աչքի առջև խախտի ծխելուն վերաբերվող արգելքը: Անդադար խոսվում է ուղեվարձն ավելացնելու անհրաժեշտության մասին՝ իբր այդ դեպքում բոլոր խնդիրները կլուծվեն: Նախ սկսենք նրանից, որ տրանսպորտային ծառայություններ մատուցելու համար ևս պետք է դրամարկղային կտրոններ տրվեն վճարի դիմաց, ինչպես դա արդարացիորեն պահանջում է վարչապետ Փաշինյանը` ապրանքներ ու ծառայություններ վաճառող բոլոր մնացյալ մատակարարներից: Իսկ տարատեսակ խախտումների համար էլ, հավանաբար, հնարավոր է կիրառել տուգանքների գործուն համակարգ, որն, օրինակ, կնախատեսի, որ տուգանքի գումարի կեսը կստանա պետական բյուջեն, իսկ մյուս կեսն էլ կտրվի ահազանգած քաղաքացուն: Շատ երկրների փորձը ցույց է տվել, որ հենց անձնական ֆինանսական շահագրգռվածությունն է մղում մարդկանց՝ պայքարելու այդ կարգի խախտումների դեմ»:

Տեղեկացրե՛ք Ձեր մտերիմներին
| |
դեպի վեր