Վերաքննիչ քրեական դատարանի դատավոր Արմեն Դանիելյանը երեկ հրապարակեց դատախազության և տուժող կողմի ներկայացրած բողոքների բովանդակությունը, ինչից հետո նիստը հետաձգվեց: Մեղադրող կողմը նպատակահարմար գտավ այսօր և առանց ընդհատումների ներկայացնել ամբողջական դիրքորոշումը: Նիստին ներկա է ՀՀ գլխավոր դատախազ Արթուր Դավթյանը, ինչպես նաև՝ Մարտի 1-ի 10 զոհերի իրավահաջորդները: Ի դեպ, Ռոբերտ Քոչարյանի պաշտպանական կողմը պատրաստվում է կրկին ինքնաբացարկ ներկայացնել Վերաքննիչ դատարանի դատավոր Արմեն Դանիելյանին: |