Վրաստանի Վերաքննիչ դատարանն ազատ է արձակել Թբիլիսիում բողոքի ակցիայի ժամանակ ձերբակալված ավելի քան 40 մասնակցի. հաղորդում է «Իմեդի» հեռուստաընկերությունը: Հիշեցնենք,որ հունիսի 20-ին Վրաստանի մայրաքաղաքում սկսվեցին բողոքի ակցիաներ. ցուցարարները դեմ էին ռուսաստանյան պատվիրակության մասնակցությանը Ուղղափառության միջխորհրդարանական վեհաժողովի նիստին: Նրանք ներխուժեցին խորհրդարանի շենք, որին հաջորդեց ցուցարարների նկատմամբ բռնությունները: Արդյունքում, մինչ օրս, 240 մարդ վիրավորվել է, ավելի քան 300-ը ձերբակալվել են:
|