Mamul.am
Ամբողջական տարբերակ
USD 475.99, EUR 526.40, RUB 7.25, GBP 581.09
+26 °C, +21 °C ... +33 °C Վաղը`+33 °C
Hay / Հայ | Рус | Eng | Tür
«Յունիոր Սևան» ակումբն անվանափոխվել է
01:45, 26.06.2019

«Յունիոր Սևան» ֆուտբոլային ակումբը հայտարարություն է տարածել՝ նշելով, որ ակումբն անվանափոխվել է․ «Հարգելի ֆուտբոլասերնե՛ր, ինչպես հայտնի է «Յունիոր Սևան» ՖԱ-ն դարձել է Հայաստանի առաջին խմբի 2018/19 մրցաշրջանի չեմպիոն։ Սակայն բարձրագույն խմբի առաջնությանը մասնակցելու համար ակումբը չի ստացել արտոնագիր: Այդ առիթով ակումբը ՀՖՖ-ին դիմել էր դիմում-խնդրանքով, որպեսզի բացառության կարգով արտահերթ կերպով ստանար արտոնագիր և առաջիկա մրցաշրջանում հանդես գար բարձրագույն խմբում։ Սակայն ՀՖՖ-ն, մանրամասն ուսումնասիրություններից հետո, որոշում է կայացրել, որ «Յունիոր Սևան»-ն առաջիկա մրցաշրջանում չի կարող հանդես գալ Բարձրագույն խմբի առաջնությունում:
Այնուամենայնիվ մեր ակումբը շնորհակալություն է հայտնում ՀՖՖ-ին և հարգում է այդ որոշումը: Վստահ ենք, որ այն կայացվել է արդարության և ողջամտության սկզբունքներից ելնելով:
Առաջիկա մրցաշրջանում մեր ակումբը կրկին հանդես կգա Առաջին խմբի առաջնությունում և կրկին կպայքարի չեմպիոնության և բարձրագույն խմբում հայտնվելու համար:
Մոտ օրերս կհստակեցվի Սևանի մարզադաշտի աշխատանքների ավարտման ժամկետները և ակումբն առաջիկա մրցաշրջանում հանդես կգա արդեն Սևան քաղաքում:
Առաջիկայում նաև կհայտնենք թիմում նոր համալրումների և թիմից հեռացած ֆուտբոլիստների մասին։ Հունիսի 27-ից թիմը կվերսկսի մարզումները պատրաստվելով նոր մրցաշրջանին։ Սիրով ուզում ենք նաև հայտնել, որ այսուհետ ակումբը հանդես կգա նոր անվանումով ՖԱ «Սևան»»։

Տեղեկացրե՛ք Ձեր մտերիմներին
| |
դեպի վեր