Mamul.am
Ամբողջական տարբերակ
USD 476.18, EUR 534.18, RUB 7.56, GBP 593.70
+25 °C, +24 °C ... +37 °C Վաղը`+36 °C
Hay / Հայ | Рус | Eng | Tür
Վրաստանի խորհրդարանն անձեռնմխելիությունից զրկել է ընդդիմադիր պատգամավոր Նիկա Մելիային
22:00, 26.06.2019

Վրաստանի խորհրդարանը զրկել է ամենամեծ ընդդիմադիր կուսակցության՝ «Միասնական ազգային շարժման» առաջնորդներից Նիկա Մելիային անձեռնմխելիությունից:

Այսօր Վրաստանի կառավարության լիագումար նիստը համաձայնել է գլխավոր դատախազության դիմումը դատարան ուղարկել՝ պատգամավոր Նիկա Մելիայի ձերբակալման խնդրանքով:

Այս որոշման օգտին քվեարկել է 91 պատգամավոր (Վրաստանի խորհրդարանում կան 150 պատգամավոր):

Այսպիսով, պատգամավորը կներկայացվի դատարանի առջև, որն էլ կսահմանի վերջինի խափանման միջոցը:

«Այս մարդիկ գերության մեջ են: Նրանք չէին կարողանում նայել իմ աչքերին: Հանդիպման ժամանակ շատ դժվար էր մթնոլորտը: Նրանց մեծ մասը չէր ցանկանում դա անել, չէր ուզում սեղմել կոճակը, բայց դա արեցին իրենց կամքին հակառակ: Մենք պետք է օգնենք այդ մարդկանց և փրկենք նրանց»,- ասել է Նիկա Մելիան հանդիպումից հետո:

Հարկ է նշել, որ Մելիայի խնդրանքով հարցի քննարկման ժամանակ խորհրդարանում չէին եղել ընդդիմադիր «Եվրոպական Վրաստան» և «Միասնական ազգային շարժում» խմբակցությունների ներկայացուցիչները:

Տեղեկացրե՛ք Ձեր մտերիմներին
| |
դեպի վեր