+13 °C, +7 °C ... +19 °C Վաղը`+21 °C
«Ամենակարևոր նախաձեռնությունը, որ տեղի է ունեցել ՀՀ-ում, դա Սփյուռքի գործիչների վերաբերմունքի փոփոխությունն է Հայաստանում անելիքի վերաբերյալ: Մարդիկ հասկացան, որ բարեգործության տրամաբանությունը պետք է փոխել զարգացման տրամաբանությամբ». հուլիսի 13-ին Լոռու մարզում «Սմարթամեջ» միջոցառման ժամանակ ասաց ՀՀ վարչապետ Նիկոլ Փաշինյանը: Նա ասաց, որ իր այդ խոսքը չպետք է ընկալվի Սփյուռքի կողմից տարիներ առաջ արված բարեգործության թերագնահատում: Վարչապետը նկատեց, որ եթե նախկինում մարդիկ իրենց հույսը կապում էին պաշտոնյաների հետ, ապա հիմա հասկացել են, որ իրենք կարող են փոխել աշխարհը, և աշխարհը փոխելուց առաջ էլ պետք է իրենք իրենց փոխեն: Ըստ վարչապետի՝ երկիրը փոխելու ճանապարհը ՀՀ-ն ագրարայինից արդյունաբերական երկրի վերածելն է: Իսկ այդ արդյունաբերական երկրին էներգիա տվող կրթություն, մշակույթ ու սպորտ պետք է լինեն: Խոսելով երկրի ժողովրդագրական վիճակի մասին՝ Ն. Փաշինյանն այն դարձյալ արդյունաբերական երկիր լինելու հանգամանքի հետ կապեց: «Մենք ընդամենը կարող ենք նայել մեր պատմությանը: Ինչպիսի՞ պայմաններում է եղել, որ ՀՀ-ում բնակչության թիվը կրկնապատկվել է: Դա եղել է մի միջավայրում, երբ ՀՀ-ում զարգացել է արդյունաբերությունը: Այո՛, դա եղել է Խորհրդային Միության ժամանակներում, բայց այդ արդյունաբերության զարգացման հեղինակը եղել են մեր պապերը, հայրերը և եղբայրները»,-ընդծեց նա: Վարչապետը հայտարարեց, որ եկել է հաղթելու ժամանակը: «Երբ ծովի դար էր, ծով չունենինք, նավթի դար էր, նավթ չունեինք, երբ բախտի դար էր, բախտ չունեինք: Ահա եկել է մտքի դարը. մենք ունենք միտք խելք ու տաղանդ: Նշանակում է, որ մենք հաղթելու ենք»,-ամփոփեց Նիկոլ Փաշինյանը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am