«Նարեկացի» արվեստի միությունում տեղի է ունեցել Նիկոլայ Սերոբյանի՝ «Ինքնաճանաչում» խորագիրը կրող անհատական ցուցահանդեսի բացումը:

«Նիկոլայ Սերոբյանի աշխատանքներում գերակշռում են պոստիմպրեսիոնիստական միտումները՝ համեմված հայկական և սեփական՝ յուրօրինակ մոտեցումներով»,- նշել է «Նարեկացի» արվեստի միության ցուցահանդեսների պատասխանատու Տաթևիկ Համբարձումյանը:

Նիկոլայ Սերոբյանն ավարտել է Փանոս Թերլեմեզյանի անվան գեղարվեստի ուսումնարանը, ապա ուսումը շարունակել է Երևանի գեղարվեստաթատերական ինստիտուտի գեղանկարչության բաժնում (Բեքարյանի արվեստանոց): Մասնակցել է բազմաթիվ միջազգային ցուցահանդեսների՝ արժանանալով պատվոգրերի և մրցանակների: