+27 °C, +16 °C ... +27 °C Վաղը`+28 °C
ԱԺ «Լուսավոր Հայաստան» խմբակցության պատգամավոր Արման Բաբաջանյանը ֆեյսբուքյան իր էջում գրել է. «Մի քանի մտածում Ջերմուկում՝ ի պաշտպանություն Ամուլսարի այսօր կայացած հանրահավաքից հետո․․ Ամուլսարը ռազմավարական, հեռանկարային նշանակություն ունի Հայաստանի համար։ Խնդիրը պահանջում է, որ ի վերջո որպես հասարակություն, որպես պետություն կողմնորոշվենք՝ ընդունո՞ւմ ենք մենք հանքարդյունաբերությունը որպես տնտեսության կարևոր ենթահամակարգ, թե՞ ընհանրապես մերժում ենք այն՝ մաքուր բնություն, չաղտոտված մթնորտ ու ընդերք ունենալու իրապես արդարացի մղումներով: Ինքս կողմ եմ երկրորդ տարբերակին՝ հանքարդյունաբերությունից հրաժարվելու հեռանկարին, բայց մինչ այդ լրջագույն աշխատանքի պետք է լծվել։ Առանց հանքարդյունաբերության տնտեսություն ունենալու մեր ռազմավարական տեսլականը կարող է իրականություն դառնալ միայն իրապես հզոր, մրցունակ տնտեսություն ունենալու, միայն տնտեսական համամասնությունները վերափոխելու ու հանքարդյունաբերության վրա հիմնված տնտեսությունը խելացի ու արդյունավետ տնտեսության վերածելու ճանապարհով: Դա կրկնում եմ, պետք է լինի մեր ռազմավարական տեսլականն ու նպատակը, ինչի համար անհրաժեշտ են առաջին հերթին օտակերկրյա մեգանախագծեր, համակարգաստեղծ խոշորամասշտաբ ներդրումներ: Առանց հանքարդյունաբերության տնտեսություն ունենալը թանկ հաճույք է: Դա, ինչպես նշեցի, պետք է լինի մեր ռազմավարական նպատակը: Դրան հասնելու համար որպես յուրօրինակ կոմպրոմիս մենք այսօր պետք է լուծենք Ամուլսարի թնջուկը: Հակառակը՝ Ամուլսարի խնդիրը խորացնելը Հայաստանի համար շատ թանկ կարող է արժենալ»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am