+27 °C, +16 °C ... +27 °C Վաղը`+27 °C
Հոնկոնգում օրեցօր ավելի են թեժանում բողոքի ակցիաները: Այսօր սաղավարտներով ու դիմակներով ցուցարարները ներխուժել են մետրոպոլիտենի Թանգ Չանգ կայարան և կոտրատել տոմսավաճառ ավտոմատ սարքերը, էկրանները, արգելափակոցները, խանութների ցուցափեղկերը, ժամացույցները, տեսահսկման սարքերը և այլն: Մետրոպոլիտենի ղեկավարությունը հայտնել է, որ քանի դեռ իրավիճակը չի կարգավորվել, գնացքներն այդ կայարանում չեն կանգնի: Ոստիկանութունն էլ հայտարարել է, որ պատաստվում է ագրեսիվորեն տրամադրված ցուցարարներից մաքրել կայարանն ու հարակից փողոցները: Ավելի վաղ ցուցարարների մի խումբ փորձ էր կատարել խափանել Հոնկոնգի օդանավակայանի աշխատանքը: Ժամանակավորապես կանգնել էր երկաթուղային ճեպընթացների չվերթը դեպի օդանավակայան: Միայն Արքայազն Էդվարդի կայարանից բերման է ենթարկվել 40 ցուցարար: Հիշեցնենք, որ հակակառավարական ցույցերը սկսվել են Հոնկոնգում հունիսի 9-ից: Ցուցարարները դեմ են արտահայտվել արտահանձնման մասին օրենքում արվող փոփոխություններին, որոնք թույլ կտան ինքնավար մարզին Չինաստանին փոխանցել հանցանքի մեջ կասկածվողներին: Բողոքողները մտավախություն ունեն, որ փոփոխությունները կտարածվեն Պեկինի քաղաքականությունից դժգոհ հոնկոնգցիների վրա: Ավելի ուշ օրենքում բարեփոխումները դադարեցվել են, սակայն ցուցարարները շարունակում են ակցիաները՝ պահանջելով համընդհանուր ընտրությունների անցկացում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am