+21 °C, +16 °C ... +28 °C Վաղը`+28 °C
ԱՄՆ նախագահ Դոնալդ Թրամփը հայտարարել է, որ ազգային անվտանգութան հարցերով իր նախկին խորհրդական Ջոն Բոլթոնը ցանկացել է Հյուսիսային Կորեայի առաջնորդի հետ վարվել լիբիական սցենարով: Սակայն Թրամփը դա սխալ է համարել,- գրում է TASS-ը: Ըստ աղբյուրի՝ լրագրողների հետ զրույցում Թրափն ասել է. «Ջոնն ու ես լավ հարաբերությունն ունեինք, սակայն նա որոշ սխալներ թույլ տվեց: Երբ նա խոսում էր, որ Կիմ Չեն Ինի պարագայում պետք է կիրառել լիբիական մոդելը, սխալ հայտարարություններ էր անում: Տեսեք՝ ինչ կատարվեց Լիբիայի առաջնորդ Մուամմար Քադաֆիի հետ: Չէր կարելի նման հայտարարություն անել, դա մեզ միայն ետ գցեց, Բոլթոնը դաժան տղա դուրս եկավ»: Պատահական չէ, որ Կիմ Չեն Ինը չէր ցանկանում նրա հետ հարաբերություններ հաստատել, նշել է Թրամփը: Նա նաև պատմել է՝ ինչպես է կայացրել նրան հեռացնելու որոշումը. «Նա ինձ մոտ եկավ ուշ երեկոյան՝ հեռացումից մեկ օր առաջ: Նստեց իմ դիմաց, և ես ասացի. «Ջոն, եթե քեզ չի հաջողվում պայմանավորվել այդքան մարդկանց հետ և եթե մեզնից շատերը համաձայն չեն քո մարտավարության հետ՝ ներառյալ նաև ինձ, ես կուզեի, որ դու հրաժարական տաս: Եվ նա այդպես էլ արեց: Հուսով եմ՝ նրա կյանքում ամեն ինչ լավ կդասավորվի»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am