Mamul.am
Ամբողջական տարբերակ
USD 476.13, EUR 525.98, RUB 7.47, GBP 596.40
+19 °C, +10 °C ... +21 °C Վաղը`+23 °C
Hay / Հայ | Рус | Eng | Tür
«Եթե իրավունք ունենք «դոշակի տակ պահած» փողը գտնել, պիտի իրավունք ունենանք նաև հաշվեհամարին պահածը գտնելու». վարչապետ
13:00, 12.09.2019

Այսօր Կառավարությունն ընդունեց «ՀՀ քրեական դատավարության օրենսգրքում լրացում կատարելու մասին» և «Բանկային գաղտնիքի մասին» օրենքում լրացում կատարելու մասին» օրենքների նախագծերի փաթեթը:

Նիստի ընթացքում վարչապետ Նիկոլ Փաշինյանը նախագծի քննարկման ժամանակ ասաց. «Այս ընթացքում մենք ունեցել ենք դեպք, երբ իմացել ենք, որ X բարձրաստիճան պաշտոնյան կամ նրա փեսան, ապօրինի ձևով ձեռք բերված գույքը վաճառքի է հանել, այդ գույքը ֆորմալ ձևակերպված է այլ մարդու անունով, նրա հետ կապված իրավական պրիտենզիաներ չկան: Գույքը վաճառվել է, իմացել ենք, որ վաճառվելու է, գումարը հանվելու է դուրս, իմացել ենք, որ՝ այ, հիմա այդ բանը տեղի է ունենում, բայց այնպիսի սահմանափակումներ են եղել օրենսդրությամբ, որ կա՛մ պիտի շատ ապօրինի միջամտություններ անեինք, որի բացատրությունը իրավական առումով դժվար կլիներ տալ, կա՛մ լուռ հետևեինք, ոնց են թալանվածը թաքցնում»:

Փոխվարչապետ Մհեր Գրիգորյանը նկատեց, որ եթե այդ գործարքն անկանխիկ՝ բանկային եղանակով է կատարվել, բացահայտվում է, իսկ եթե կանխիկ եղանակով է արվել, ապա ի՞նչ իստիտուցիոնալ լուծում է տրվելու:

«Իմ ասած դեպքը եթե բացահայտեինք՝ դրան պարզ բացահայտում կա. պետավտոտեսուչը կանգնեցնում է այն ֆուռը, որ տեղափոխվում է, և այդպես բացահայտվում է»,- Գրիգորյանին արձագանքեց Փաշինյանը՝ կատակելով, թե պետք է ՃՈ-ին հակակոռուպցիոն գործառույթներ տալ:
Վարչապետի խոսքով՝ եթե օրենքով իրավասու են գնալ, «դոշակի տակ պահած» գումարը գտնել, պետք է իրավասություն ունենան նաև հաշվեհամարին պահածը գտնելու:

Տեղեկացրե՛ք Ձեր մտերիմներին
| |
դեպի վեր