+29 °C, +16 °C ... +29 °C Վաղը`+28 °C
«ՀՀ այսօրվա իշխանությունների վարած քաղաքականությունը շարունակությունն է Լևոն Տեր- Պետրոսյանի քաղաքականության, որը հետևյալն էր՝ «լավ չենք ապրելու մինչև Ղարաբաղը չհանձնենք»: Տեր-Պետրոսյանի ծրագիրն էր՝ ԼՂ-ին տալ լայն ինքնավարություն՝ ստատուս Ադրբեջանի կազմում և հիմա Նիկոլ Փաշինյանը ևս վարում է այդպիսի քաղաքականություն»,- Ստեփանակերտում ասուլիսի ժամանակ հայտարարեց Վիտալի Բալասանյանը՝ պարզաբանելով, թե ինչու է այդ կարծիքին. «Երբ Քարվաճառը, Շուշին, Լաչինի միջանցքն ազատագրել էինք, Ադրբեջանն ամբողջ ուժը Ադղամում էր կենտրոնացրել: Ամեն 5 րոպեն մեկ արկեր էին պայթում Ստեփանակերտի վրա, խնդիր էինք դրել լռեցնել կրակակետերը: Լևոն Տեր-Պետրոսյանը դեմ գնաց մեր որոշմանը, մինչդեռ ԼՂՀ ռազմաքաղաքական իշխանության որոշումը մեկն էր՝ ազատագրել Աղդամի տարածքը: Եվ մենք սկսեցինք օպերացիան ու ազատագրեցինք Աղդամը: Մեկ շաբաթ անց համարյա ամեն օր ՀՀ իշխանությունը հորդորում էր րոպե առաջ լքել Աղդամի տարածքը, բայց մենք չկատարեցինք այդ հրամանը: Մեկ շաբաթ անց Աղդամում հայտնվեցին ՀՀ ԳԽ նախագահ Բաբկեն Արարքցյանը ու ՆԳ նախարար Վանո Սիրադեղյանը: Երկուսն էլ կենդանի են, կարող եք հարցում անել: Նրանց ասածը հետևյալն էր՝ ՀՀ քաղաքական իշխանությունը որոշում է կայացրել, որպեսզի դուք լքեք Աղդամի տարածքը: Ես տվեցի կտրուկ պատասխան՝ սա պատմաիրավական առումով մեր սեփականությունն է, պարզապես խորհրդային տարիներին համակարգային փոփոխություն է եղել՝ այդ տարածքները կցել են Ադրբեջանին... Ու հիմա ՀՀ այսօրվա իշխանությունների՝ ԼՂ հարցով քաղաքականությունը Լևոն Տեր-Պետրոսյանի քաղաքականության շարունակությունն է»,- ասաց Բալասանյանը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am