Mamul.am
Ամբողջական տարբերակ
USD 476.69, EUR 528.46, RUB 7.47, GBP 617.03
+6 °C, -1 °C ... +7 °C Վաղը`+5 °C
Hay / Հայ | Рус | Eng | Tür
Ներխուժել են Nouvelles d'Arménie ամսագրի խմբագրություն
14:05, 21.10.2019

Փարիզում անհայտ անձինք ներխուժել են ֆրանսալեզու Nouvelles d'Arménie ամսագրի խմբագրություն և տարել երեք համակարգիչ ու մեկ ֆոտոապարատ. այս մասին հաղորդագրություն է տարածել Nouvelles d'Arménie-ի խմբագրությունը:

«Համակարգիչները, որոնք էական շուկայական արժեք չունեին, պարունակում էին ամսագրի հաջորդ թողարկման նյութերը, ինչպես նաև որոշ զգայուն տեղեկատվություն (հասցեներ, տվյալներ, հարցազրույցներ և այլն)։ Խմբագրության դուռը ևս կոտրված էր»,- ասված է հաղորդագրությունում։

Ֆրանսիայում Հայաստանի դեսպանությունը դատապարտել է տեղի ունեցածը՝ դա գնահատելով որպես ոտնձգություն խոսքի ազատության նկատմամբ։

Ֆրանսալեզու հայկական Nouvelles d'Arménie պարբերականը ակտիվորեն լուսաբանում է Հայոց ցեղասպանության միջազգային ճանաչմանը, ղարաբաղյան հակամարտության կարգավորմանը, իսկ վերջին շրջանում նաև Սիրիայի հյուսիսում քրդերի դեմ Թուրքիայի նախաձեռնած ռազմական գործողություններին առնչվող թեմաներ:

Տեղեկացրե՛ք Ձեր մտերիմներին
| |
դեպի վեր