Երկուշաբթի օրն ԱՄՆ-ը գործարկել է Կլիմայի փարիզյան համաձայնագրին իր մասնակցության դադարեցման պաշտոնական գործընթացը, որը կավարտվի մեկ տարի հետո: Այս մասին հայտարարել է Միացյալ Նահանգների պետքարտուղար Մայք Պոմպեոն:

«ԱՄՆ-ի նախագահ Դոնալդ Թրամփը 2017-ի հունիսի 1-ին հայտարարեց համաձայնագրից դուրս գալու որոշման մասին, քանի որ այս համաձայնագիրը ոչ թափանցիկ տնտեսական պարտավորություններ է դրել ամերիկացի աշխատողների, բիզնեսի և հարկատուների վրա: Միացյալ Նահանգները նվազեցրել է արտանետումների բոլոր տեսակները: Արդյունքները ցույց են տալիս, որ 1970-ից մինչև 2018-ը վնասակար արտանետումները նվազել են 74%-ով, իսկ ջերմոցային գազերի արտանետումները 2005-ից 2017 ընկած ժամանակահատվածում նվազել են 13%-ով»,- նշել է նա: